Almatyda eski perzenthananyń ornyna jańasy salyndy
ALMATY. KAZINFORM — Almatydaǵy №1 perzenthana eski jańa talapqa sáıkes kelmeıdi. Bul týraly qala ákimi Erbolat Dosaev Almaly aýdany turǵyndarymen kezdesýinde aıtty.
— Ana men balanyń densaýlyǵyn saqtaý árqashan ákimdik jumysynyń basymdyǵy bolyp qala beredi. 1937 jyly salynǵan №1 perzenthana eskirgen jáne qazirgi standartqa sáıkes kelmeıdi. Jańa ǵımarattyń dızaıny aıaqtalyp, 2025 jyldyń maýsymynda saraptama bastalýǵa tıis. 2025 jyldyń jazynda eski ǵımaratty buzyp, onyń ornyna zamanaýı qurylǵylarmen jabdyqtalǵan jańa ǵımarat salynady. Bul jumys 2026 jyldyń sońynda aıaqtalady, — dedi Almaty ákimi.
Sondaı-aq ol 2025 jyldyń naýryz aıynda №3 emhana ǵımaratynyń kúrdeli jóndeýi aıaqtalatynyn jetkizdi. Jóndeý jumystary aıasynda konstrýktıvti elementter qalpyna keltirilip, ishki bólmeler jańǵyrtylady.
— Qalalyq Adam reprodýktsııasy ortalyǵynyń kúrdeli jóndeý jumystary jalǵasyp jatyr. Bıyl naýryz aıynda Jibek joly, 124 mekenjaıyndaǵy ǵımaratta jóndeý jumystaryn aıaqtaý josparlanyp otyr. Tórequlov kóshesi, 73 mekenjaıyndaǵy ǵımaratty jóndeý jumystary 2025 jyldyń ekinshi toqsanynda bitedi. Sonymen qatar, Áıteke bı men Masanchı kóshesiniń qıylysynda ornalasqan eski qalalyq revmatologııa ortalyǵy ǵımaratynyń ornyna 500 adam qabyldaýǵa arnalǵan jańa emhana salý josparda. Jumys osy jyldyń maýsym aıynda bastalyp, 2026 jyldyń mamyr aıynda aıaqtalady,— dedi qala basshysy.
Aıta keteıik, 2024 jyly densaýlyq saqtaý ınfraqurylymyn jańǵyrtýǵa bólingen qarjy 26,3 mlrd teńgege, ıaǵnı 2,5 ese artty, al 2025 jyly taǵy 2,6 ese ósip, 69,4 mlrd teńgege deıin jetedi.
Eske salaıyq, Erbolat Dosaev Almaly aýdanynyń turǵyndarymen kezdesý ótkizip jatyr.