Almatyda es-tússiz kúıdegi er adamdy páterinen kóterip áketken: Kúdiktiler ustaldy
ALMATY. KAZINFORM - Almatylyq er adamdy birneshe adam páterden kóterip áketken. Polıtsııa isti zerttep jatqanyn málimdedi.
Almatyda 30 qyrkúıek tańǵy saǵat 4:34-te er adamnyń basyna paket kıgizip, es-tússiz kúıde kóterip áketken vıdeosy tarady.
Úı turǵyndary muny beınebaqylaý kameralarynyń jazbasynan baıqaǵan.
Kórshilerdiń aıtýynsha, birneshe kún buryn belgisiz bireýler ǵımaratty tekserip, poshta jáshiginiń kiltterin urlap ketken. Al 29 qyrkúıekte eki er adam páterlerdiń birine asyǵyp kelgen.
Jelide taraǵan aqparatqa sáıkes, 10 qazanda sol vıdeodaǵy adamnyń páteri satylyp ketken.
Jelidegiler muny «zańsyz rıeltorlardyń» áreketi dep kúdiktenedi.
Almaty polıtsııasy úsh kúdiktiniń qamaýǵa alynǵanyn rastady.
Bostandyq aýdandyq polıtsııa bólimi tergeý júrgizip jatyr.
- Jan-jaqty jáne obektıvti tergeýdi qamtamasyz etý úshin tergeý toby quryldy. Oqıǵanyń barlyq mán-jaıyn anyqtaý, sondaı-aq qatysy bolýy múmkin basqa adamdardy anyqtaý jáne birqatar tergeý jáne jedel-izdestirý sharalary júrgizilip jatyr, - dep málimdedi Almaty PD.
Tergeý jumystaryn polıtsııa departamentiniń basshylyǵy baqylap otyr.
Eske salsaq, Almatyda qoly baılaýly júrgen áıelge qatysty polıtsııa tekseris bastaǵan edi. Jelidegi aqparatqa sáıkes, ony uly úıinde qınap ustaǵan.
