Almatyda Erte aralasý ortalyǵy quryldy
ALMATY. KAZINFORM - Almaty qalasy ákimdiginiń qaýlysyna sáıkes Jumyspen qamtý jáne áleýmettik baǵdarlamalar basqarmasy janynan Erte aralasý ortalyǵy quryldy. Sondaı-aq Densaýlyq saqtaý, Bilim berý jáne Áleýmettik qorǵaý basqarmalarynyń qyzmetin úılestirýdi qamtamasyz etetin erte aralasý jónindegi vedomstvolyq ózara is-qımyl reglamenti bekitildi.
Engizilgen erte aralasý úlgisi balanyń damýyndaǵy aýytqýshylyqtardy erte anyqtaý jáne baǵalaý, balanyń ata-anasyn qoldaý, kórsetiletin qyzmetterdi úılestirý, balanyń úlgerimin únemi qadaǵalaý arqyly úzdiksiz baǵalaý jáne baqylaý prıntsıpterine negizdelgen. Baǵdarlamanyń biregeıligi – bala dúnıege kelgen kezinen bastap úsh jasqa deıingi fızıkalyq, kognıtıvti, emotsıonaldy jáne áleýmettik damý úshin mańyzdy kezeńdi qamtıdy.
Erte aralasý baǵdarlamasyn tıimdi iske asyrý jáne qadamdyq qoljetimdilikti qamtamasyz etý úshin Almaty qalasynyń árbir aýdanynda Jumyspen qamtý jáne áleýmettik baǵdarlamalar basqarmasynyń vedomstvolyq baǵynysty uıymdarynyń bazasynda erte aralasý qyzmetteri jumys isteıtin bolady. Onyń quramyna: damý pedıatry, psıholog, áleýmettik pedagog, fızıo jáne kásiptik terapevtter, logoped jáne áleýmettik qyzmetker kiretin mamandar kiredi.
«Erte aralasý ortalyǵyn qurý – bizdiń balalarymyz úshin ınklıýzıvti bolashaqqa bastar joldaǵy mańyzdy qadam. Biz qıyndyqtarǵa qaramastan ár bala damı alatyn jaǵdaı jasaýǵa tyrysamyz. Erte aralasý baǵdarlamasy balalardyń múgedektik deńgeıin tómendetýge jáne balalardy bilim alý jáne áleýmettik ómirge tolyq engizýge daıyndaýǵa kómektesedi», - dedi Almatynyń Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
Sonymen qatar osy jyldyń qazan aıynda Sankt-Peterbýrg qalasynyń Erte aralasý ınstıtýtynda Erte aralasý ortalyǵynyń mamandaryn oqytý josparlanǵan.
Eske salaıyq, buǵan deıin Almatyda mekteptegi tamaq sapasyn baqylaıtyn komıssııa qurylǵanyn jazǵanbyz.
