Almatyda erli-zaıyptyny atyp ketken kúdikti ustaldy

ALMATY. KAZINFORM – Almatyda polıtseıler 20 jeltoqsanda qalanyń Naýryzbaı aýdanyndaǵy turǵyn úı keshenderiniń birinde bolǵan aýyr qylmystyń betin ashty.

– Esterińizge sala keteıik, qaraqshylyq shabýyl áreketi saldarynan erli-zaıyptylar aýyr jaraqat alǵan. Qazir olar aýrýhanada jatyr. Bul qylmysty ashý maqsatynda jedel-tergeý toby quryldy. Shabýyl jasaǵan adamnyń kim ekeni anyqtaldy. Bul - Jetisý óńirinen kelgen 38 jastaǵy azamat. Bir kún buryn ol ustalyp, qamaýǵa alyndy, – dep habarlady polıtsııadan.

Vedomstvodan málim etkendeı, kúdikti jańa jıhazdaryn ornatyp bergen erli-zaıyptylardy tonaýdy josparlaǵanyn moıyndady.

– Sol kezde ol jumys berýshilerdiń seıfin baıqap qalǵan. Betin medıtsınalyq betperde jáne sharfpen jasyryp, juma kúni tańerteń zardap shekkenderdiń esik qońyraýyn basqan. Jábirlenýshilerdi tapanshamen qorqytqan qaskóı olardan aqsha berýin talap etken. Alaıda otaǵasy kómekke shaqyra bastady. Osy kezde kúdikti erli-zaıyptylardy atyp, qashyp ketken, – dediAlmaty qalalyq PD Krımınaldyq polıtsııa basqarmasynyń bastyǵy Talant Isaev.

Sotqa deıingi tergeý júrip jatyr.

Buǵan deıin Almatyda 28 panfılovshy-gvardııashylar atyndaǵy saıabaqta atys boldy.