Almatyda eriktilerge arnalǵan tsıfrlyq tólqujat engiziledi
ALMATY. KAZINFORM – Almatyda 2026 jyly eriktiler ınfraqurylymyn damytýǵa jáne zamanaýı tsıfrlyq sheshimderdi engizýge nazar aýdarylady.
Almaty qalasy jastar saıasaty basqarmasy basshysy Azız Qajdanbektiń aıtýynsha, qazir Almatydaǵy eriktilerdiń front keńsesi 58 myńnan astam adamdy biriktiredi. 2025 jyly olar qaladaǵy 2 myńnan asa is-sharaǵa qoldaý kórsetken.
Vedomstvo basshysy endi tsıfrlyq model aıasynda árbir eriktige onyń mártebesi, jeke statıstıkasy, mıssııalary men jetistikteri kórinis tabatyn tsıfrlyq tólqujaty jasalatynyn atap ótti. Sondaı-aq olarǵa Volu-Coins atty ishki yntalandyrý valıýtasyn engizý kózdelgen. Ony jabyq is-sharalarǵa qatysýǵa, brendtik ónimder alýǵa jáne qoǵam kóshbasshylarymen kezdesýlerge paıdalanýǵa bolady.
– Úzdik eriktiler qalalyq reıtıngke engizilip, strategııalyq jobalarǵa tartylady. Arnaıy vızýaldy tsıfrlyq karta eriktiler jumysyn jáne qalalyq bastamalarǵa qatysý deńgeıin kórneki túrde baqylaýǵa múmkindik beredi, - dep habarlady ákimdikten.
Eske salaıyq, buǵan deıin elimizde eriktiler qozǵalysy qalaı damyp kele jatqanyn jazǵanbyz.