Almatyda Eriktiler jyly saltanatty túrde ashyldy
ALMATY. KAZINFORM - Almaty ákimdigi qalada Eriktiler jyly saltanatty túrde ashylǵanyn habarlady.
Almaty qalasy Eriktiler front-keńsesi uıymdastyrǵan is-sharaǵa shamamen 450 adam qatysty. Olardyń qatarynda eriktilik uıym ókilderi, eriktiler qozǵalysynyń úılestirýshileri, belsendi jáne «kúmis» eriktiler, seriktester men memlekettik qurylymdardyń ókilderi boldy.
- Almatyda eriktiler qozǵalysy jyl saıyn nyǵaıyp, myńdaǵan janashyr turǵyndy biriktirip otyr. Eriktiler áleýmettik, ekologııalyq jáne qalalyq bastamalardy júzege asyrýǵa belsendi qatysyp jatyr. Ákimdik tarapynan eriktilik uıymdardy júıeli qoldaý jáne eriktiler ınfraqurylymyn damytý jumystary jalǵasady, — dedi Almaty ákiminiń orynbasary Abzal Núkenov.
Іs-shara aıasynda eriktiler uıymdarynyń jármeńkesi ótti. Onda qatysýshylar jobasy men qyzmet baǵytyn tanystyrdy. Atap aıtqanda, áleýmettik eriktilik, sporttyq bastamalar, tótenshe jaǵdaılar men qaýipsizdik salasyndaǵy jobalar, sondaı-aq jastar men tsıfrlyq bastamalar usynyldy.
Saltanatty rásimniń basty ereksheligi — ýaqyt kapsýlasy salynýy boldy. Kapsýlaǵa eriktiler qozǵalysyn damytýǵa arnalǵan strategııalyq maqsattar men úndeýler ornalastyryldy.
Eske salaıyq, Qasym-Jomart Toqaev Úkimetke eriktiler isin damytý boıynsha 2030 jylǵa deıingi kezeńdi qamtıtyn jańa mazmundy qujat ázirleýdi tapsyrdy.