Almatyda erejelerdi buzǵan balabaqshalarǵa 165 mln teńgege aıyppul salyndy

ALMATY. KAZINFORM — Osy jyldyń sáýir — qarasha aılary aralyǵynda Qazaqstan Respýblıkasy Bas prokýratýrasynyń talaptary negizinde Almaty qalasy sanıtarııalyq-epıdemıologııalyq baqylaý departamenti aýdandyq basqarmalarynyń mamandary mektepke deıingi bilim berý obektilerine jospardan tys tekserýler júrgizdi.

Onyń nátıjesinde barlyǵy 947 balabaqsha baqylaýǵa alynyp, 733 jospardan tys tekserý júrgizildi jáne 674 buzýshylyqtar anyqtaldy.

— Tekserý barysynda negizinen nashar sanıtarııalyq-tehnıkalyq jaı-kúı, profılaktıkalyq sharalar qarastyrylmaýy, jeldetý júıeleriniń aqaýlyǵy, taǵamdar men aspazdyq buıymdardyń sapasyn organoleptıkalyq baǵalaý jýrnalynyń bolmaýy nemese ýaqtyly júrgizilmeýi syndy sanıtarııalyq erejeler talaptarynyń buzýshylyqtary anyqtaldy, — dedi Sanıtarııalyq-epıdemıologııalyq baqylaý departament basshysyny orynbasary Gaýhar Katkenova.

Anyqtalǵan buzýshylyqtar boıynsha «Ákimshilik quqyq buzýshylyq týraly» Qazaqstan Respýblıkasy Kodeksiniń 425 — babynyń 1 — bóligimen jalpy aıyppul somasy 165 752 340 teńge bolatyn 389 hattama toltyrylyp, buzýshylyqtardy joıý merzimderi kórsetilgen nusqamalar berilgen. Sondaı-aq qalǵan 285 nysanǵa prokýratýra tarapynan ákimshilik sharalar qabyldanǵan.

Eske salaıyq, buǵan deıin Májilis balabaqshalardy lıtsenzııalaý týraly zańdy qabyldaǵany týraly jazǵanbyz.