Almatyda er adam qaraýyl jasaǵynyń qyzmettik kóliginen qashyp ketti

ALMATY. KAZINFORM – Almatyda sottalýshy qaraýyl jasaǵy qyzmettik kóliginen qashyp ketti.

Almaty qalalyq Polıtsııa departamentiniń málimetinshe, qazir er adamdy jedel izdestirý sharalary júrgizilip jatyr.

– Qaraýyl jasaǵynyń qyzmettik kóliginen qashyp ketken, bótenniń múlkin urlady dep aıyptalǵan sottalýshyny ustaýǵa baǵyttalǵan jedel-izdestirý sharalary kesheni júrgizilip jatyr. Sondaı-aq oqıǵanyń barlyq mán-jaıyn anyqtaý úshin qyzmettik tergeý bastaldy,– dep habarlady vedomstvodan.

Sondaı-aq zańbuzýshylyqqa jol bergender qatań jaýapqa tartylatyn bolady.

Eske salaıyq, buǵan deıin Talǵar aýdandyq polıtsııa basqarmasynyń ýaqytsha ustaý ızolıatorynan qyz zorlady degen kúdikpen qamaýda otyrǵan azamat qashyp ketkenin jazǵanbyz.

Keıin kúdikti K. Tereńqara aýylynyń shetinde ustaldy.