Almatyda er adam elektrosamokattan qulap qaza tapty
ALMATY. KAZINFORM — Almatyda Shyǵys aınalma avtomobıl jolynda elektrosamokatpen 90km/saǵat jyldamdyqpen júrgen samokatshy qulap tústi.
Almaty polıtsııasynyń málimetinshe, oqıǵanyń sońǵy sátteri beınebaqylaý kameralary men jol boıymen ótip bara jatqan kólikterdiń beınetirkegishterine túsip qalǵan.
Elektrosamokat mingen er adam joldyń sol jaq shetimen kele jatqan. Aldyn ala málimet boıynsha, jyldamdyǵy saǵatyna shamamen 90 shaqyrym bolǵan.
Shyǵys aınalma avtomobıl jolynda ol aldynda kele jatqan kólikti basyp ozbaq bolǵan. Sol sátte basqarý tizginin joǵaltqan. Osylaısha er adam asfaltqa qulady. Soqqydan qorǵanysh dýlyǵasy da basynan ushyp ketken.
Oqıǵa ornyna polıtsııa qyzmetkerleri men jedel járdem brıgadasy jetken. Alaıda 54 jastaǵy er adam alǵan jaraqattarynan sol jerde kóz jumdy.
Oqıǵaǵa baılanysty sotqa deıingi tergeý bastaldy. Qazir onyń barlyq mán-jaıy anyqtalyp jatyr.
Jyl basynan beri qalada elektrosamokattardyń qatysýymen 91 jol-kólik oqıǵasy tirkelgen. Sonyń saldarynan 96 adam jaraqat alǵan. Al mynaý adam ólimine ákelgen alǵashqy bolyp otyr.
Eske salaıyq, Almatyda 9 myńnan astam elektrosamokat aıyp turaǵyna qoıylǵan edi.
