Almatyda er adam áıeldi avtobýsta telefonmen qatty sóıleskeni úshin uryp jiberdi
ALMATY. KAZINFORM – Almatyda er adam qoǵamdyq kólikte telefonmen qatty sóılegen áıeldi uryp jiberdi. Onyń vıdeosy áleýmettik jelide tarady.
Kýágerlerdiń sózinshe, keleńsiz jaıt (Tóle bı men Turǵut Ózal kósheleriniń qıylysynda) №126 avtobýsta bolǵan.
«Janjalǵa jolaýshylardyń biriniń telefon arqyly qatty sóılesýi túrtki bolǵan. Er adam oǵan eskertý jasady, sodan keıin onyń óz sózin elemegenine ashýy kelip, áıeldi avtobýstan shyǵaryp jibermek bolady. Ol qarsylyq kórsetip, ony ıterip jiberdi. Sol kezde er adam oǵan judyryq jumsady», - delingen jazbada.
Almaty qalalyq Polıtsııa departamentiniń baspasóz qyzmeti habarlaǵandaı, atalǵan jaǵdaı boıynsha tekserý júmystary bastaldy.
«Almaly aýdanynyń polıtsııa basqarmasy tekserý júrgizip jatyr. Kinálige qatysty Qazaqstan Respýblıkasy zańnamasynyń talaptaryna sáıkes sharalar qabyldanatyn bolady. Jaǵdaı anyqtalady», - dep atap ótti vedomstvodan.
Eske salaıyq, buǵan deıin Almaty oblysynda balǵamen áıeliniń basyn jarǵan er adam ustalǵanyn jazǵanbyz.