Almatyda er adam áıel júrgizýshiniń kóligine minip, ony urmaq bolǵan
ALMATY. KAZINFORM – Almaty polıtsııasy óz kóligimen áıel júrgizýshiniń kóligin soǵyp, keıin ony urmaq bolǵan kúdiktige qatysty tergeý júrgizip jatyr.
Áleýmettik jelide er adamnyń áıel júrgizýshige kúsh kórsetpek bolǵan beınejazbasy tarady. Alaıda beınerolıkten ózge azamattardyń áıelge arasha túskenin kórýge bolady.
- Rysqulovtaǵy Magným avtoturaǵy. Qyzdy áreń arashalap qaldyq… uryp, taǵy tistep alǵan, - delingen beınerolık astyndaǵy jazbada.
Atalǵan jaǵdaıǵa baılanysty túsinikteme bergen qalalyq Polıtsııa departamenti tergeý júrip jatqanyn habarlady.
- Atalǵan derek boıynsha Jetisý aýdandyq polıtsııa basqarmasy tergeý júrgizip jatyr. Oqıǵanyń mán-jaıy anyqtalady. Quqyq buzýshyǵa qatysty Qazaqstan Respýblıkasynyń zańnamasyna sáıkes sharalar qoldanylady, - dep habarlady departamentten.
Aıta keteıik, Almatyda balalar jyl basynan beri 623 jol-kólik oqıǵasyna ushyraǵan.
