Almatyda er adam áleýmettik jelide taraǵan vıdeodan keıin qamaýǵa alyndy
ALMATY. KAZINFORM — Almatyda er adam mektep mańyndaǵy aıaldamada qyz balaǵa ózimen birge júrý úshin aqsha usynǵan.
Áleýmettik jelide oqıǵanyń vıdeosy tarady.
Er adam áýeli mektep oqýshysyna 100 myń teńge, keıin 300 myń teńge beretinin aıtyp, ózimen birge júrýge kóndirmek bolǵan. Jazbada oqıǵa qaladaǵy № 50 mekteptiń mańynda bolǵany aıtylǵan.
Almaty polıtsııa departamenti bul jaıtqa qatysty túsinik berdi.
Vedomstvonyń málimetinshe, jedel-izdestirý is-sharalarynyń nátıjesinde kúdikti er adam ustaldy.
Oǵan qatysty ákimshilik is qozǵaldy.
— Ol sot sheshimimen ákimshilik jaýapkershilikke tartylyp, 10 táýlikke qamaýǵa alyndy, — delingen habarlamada.
Eske salaıyq, buǵan deıin Astanada oqýshy qyzdarǵa qyryndaǵan muǵalimniń ústinen qylmystyq is qozǵalǵanyn jazǵanbyz.