Almatyda Enrıke kontserti kezinde 2 myń polıtseı qaýipsizdikti qamtamasyz etedi
ALMATY. KAZINFORM — Almatyda Enrıke Iglesıastyń kontserti kezinde qaýipsizdik sharalary kúsheıtilip, Ortalyq stadıon mańynda 2 myńǵa jýyq polıtsııa qyzmetkeri jumys isteıdi.
Almaty ákimdiginiń málimetinshe, Ortalyq stadıon mańynda quqyq qorǵaý organdary kúsheıtilgen rejımde jumys istep, qoǵamdyq tártipti, kórermenderdiń qaýipsizdigin jiti qadaǵalaıdy.
Kontsertke saǵat 16:00–den bastap Abaı dańǵyly men Baıtursynov kóshesi jaǵynan kirý bastalady. VIP Standing sanatyndaǵy bılet ıeleri Sátbaev kóshesi jaǵynan kiredi. Kireberiste tekseris júrgiziletindikten, erejemen aldyn ala tanysyp, tyıym salynǵan zattardy ózimen birge almaý usynylady.
Stadıon mańynda kólik qozǵalysyna ýaqytsha shekteý engizilýi múmkin. Sol sebepti kórermenderge baǵytyn aldyn ala josparlap, erterek barǵan jón.
Eske salsaq, munyń aldynda Almatyda Enrıke Iglesıastyń kontsertinen keıin tegin shattldar uıymdastyrylatyny habarladyq.
