Almatyda Enrıke Iglesıastyń kontsertinen keıin tegin shattldar uıymdastyrylady
ALMATY. KAZINFORM - Enrıke Iglesıastyń Almatydaǵy kontserti 5 qyrkúıekte Ortalyq stadıonda ótedi.
5 qyrkúıek Ortalyq stadıonda ótetin Enrıke Iglesıastyń kontserti kezinde qoǵamdyq kólik ádettegideı jumys isteıdi.
Kórermenderdiń qaýipsizdigi úshin kontsertten keıin 50 tegin shattl qyzmet kórsetiledi. Olar stadıonnan Abaı dańǵyly men Baıtursynov kóshesi boıymen júredi.
Shattldar kelesi baǵyttarǵa barady:
* Áýejaı;
* Orbıta shaǵyn aýdany;
* Almaty-1 temirjol vokzaly;
* Raıymbek-Alataý;
* Almaty Arena.
Qosymsha baǵyttardyń ashylýy kórermenderge is-shara aıaqtalǵannan keıin qalanyń negizgi kólik toraptary men aýdandaryna jyldam jetýge múmkindik beredi.
Ákimdik qala turǵyndary men qonaqtaryna Ortalyq stadıonǵa baratyn jáne qaıtatyn baǵyttaryn aldyn ala josparlap, múmkindiginshe qoǵamdyq kólikti paıdalanýdy usynady.
Eske sala keteıik, Enrıke Iglesıastyń Almatydaǵy kontserti 5 qyrkúıekte Ortalyq stadıonda ótedi. Kontsert saǵat 20:00-de bastalady dep josparlanǵan.
Enrıke Iglesıastyń Astanadaǵy kontserti qalaı ótkeni týraly jazǵan edik.
