Almatyda energetıkalyq nysandar qysqy maýsymǵa daıyndalyp jatyr
ASTANA. KAZINFORM – Energetıka mınıstrliginiń baqylaýymen Almaty qalasynda energetıkalyq ınfraqurylym nysandary 2025-2026 jylǵy jylytý maýsymyna daıyndyq jumystaryn jalǵastyrýda. Bul týraly vedomstvoǵa qarasty Atomdyq jáne energetıkalyq baqylaý men qadaǵalaý komıtetiniń tóraǵasy Erjan Ertaevtyń sapary barysynda belgili boldy.
Ol «ALES» AQ-nyń JEO-2 stantsııasynda josparlanǵan kúrdeli jóndeý jumystarynyń barysymen tanysty, sondaı-aq «ATKE» JShS-niń «Premera» jáne «Orbıta» qazandyqtarynda júrgizilip jatqan qaıta jańǵyrtý jobalaryn qarap shyqty.
Budan bólek, «ALTS» JShS-niń «Almagúl-Ońtústik» sorǵy stantsııasyna deıingi TK-4-2 jylý jelileri ýchaskesinde jylý jelilerin jańǵyrtýdyń ekinshi kezeńi júrip jatyr. Erekshe nazar jóndeý jumystarynyń merzimderi men kólemderiniń saqtalýyna jáne olardyń sapasyna aýdaryldy.
Kezdesýler barysynda energııa kásiporyndarynyń ókilderimen jylytý maýsymyna daıyndyq, tehnologııalyq aqaýlardyń aldyn alý, jylý jáne elektr jelilerin paıdalaný kezindegi problemalyq máseleler men energetıkalyq jabdyqtardyń jumysyndaǵy yqtımal táýekelder talqylandy.
Aıta keteıik, Astanany jylytý maýsymyna daıyndaý jumystary kestege saı júrip jatyr.