Almatyda Energetıka jáne sýmen qamtamasyz etý basqarmasynyń basshysy taǵaıyndaldy
ALMATY. KAZINFORM — Almaty qalasynyń ákimi Darhan Satybaldynyń ókimimen Almaty qalasynyń Energetıka jáne sýmen qamtamasyz etý basqarmasynyń basshysy laýazymyna Nurbaqyt Serikbaı taǵaıyndaldy.
Ol Almaty Energetıka jáne baılanys ýnıversıtetin «jylý energetıkasy» mamandyǵy boıynsha támamdaǵan. «Jylý energetıkasy» mamandyǵy boıynsha magıstr dárejesin alǵan.
Eńbek jolyn 2018 jyly qarasha aıynda Almaty qalasynyń Energetıka jáne kommýnaldyq sharýashylyq basqarmasynyń energııa jáne jylýmen qamtamasyz etý bóliminiń bas mamany qyzmetinen bastaǵan.
2022 jyly tamyz aıynda Almaty qalasy Energetıka jáne sýmen qamtamasyz etý basqarmasynyń energııa jáne jylýmen qamtamasyz etý bóliminiń basshysy laýazymyna aýystyrylǵan.
2023 jyly 22 tamyzdan bastap Almaty qalasy Energetıka jáne sýmen qamtamasyz etý basqarmasy basshysynyń orynbasary qyzmetin atqarǵan.
Eske salaıyq, búgin Almatyda Qoǵamdyq keńistikterdi damytý basqarmasynyń basshysy taǵaıyndaldy.