Almatyda elimizdegi alǵashqy krematorıı ashyldy: qyzmet baǵasy qandaı
ALMATY. KAZINFORM – Almaty qalasynyń Alataý aýdanynda elimizdegi alǵashqy krematorııdiń resmı ashylýy ótti.
Bıyl nysandy teńgerimine alǵan Qalalyq patologoanatomııalyq bıýro is-sharany uıymdastyrdy. Baǵdarlama aıasynda krematorıı bólimshesiniń qurylymdary tanystyryldy.
Qalalyq patologoanatomııalyq bıýro dırektory Ardaq Alıshevtiń aıtýynsha, máıit kólikpen nysannyń arnaıy esigine ákelinedi. Ol jaqtan medıtsınalyq arba arqyly alynyp, dene muzdatqysh zalǵa ornalastyrylady.
— Munda 12 muzdatqysh kamera bar, bireýinde 4 oryn. Jalpy 48 oryn bar. Máıit týystarynyń qalaýyna qaraı 1 apta ne 1 aıǵa deıin saqtalady. Tómen temperatýra máıittiń ydyraýyna jol bermeıdi, — dedi ol.
Krematsııa ýaqyty jaqyndaǵanda máıit sektsııalyq zalǵa jetkiziledi. Munda sanıtarlyq daıyndyq júrgiziledi. ıAǵnı, dene jýylady, oǵan kıim kıiledi jáne qajet jaǵdaıda grım jaǵylady. Ardaq Alıshev máıitte metall ımplant bolǵan jaǵdaıda ota jasalyp, temirdiń alynatynyn atap ótti. Aıtýynsha, peshtiń ereksheligine qaraı oǵan metall tússe, jabdyq jarylýy múmkin.
— Daıyndyq jumystary aıaqtalǵan soń, qoshtasý zalynda tabytqa salynǵan máıit ákelinedi. Munda týystary qaıtys bolǵan adammen qoshtasyp, qajet bolǵan jaǵdaıda rıtýaldyq qyzmetter jasalady. Ári qaraı máıit krematsııa zalynda órteledi. Týystary krematsııa barysyn arnaıy bólmeden baqylaı alady, — dedi patologoanatomııalyq bıýro dırektory.
Krematsııa quny qansha
Krematsııa zalynda Chehııadan alynǵan eki pesh qoıylǵan. Olar 800-1000 gradýsta jumys isteıdi. Máıitti jaǵý úshin pesh 35 saǵat buryn qosylyp, ishi qyzdyrylady. Sodan keıin krematsııa jasalady da, kúl arnaıy qutyǵa salynady.
— Ár adammen jeke kelisim jasalady. Soǵan baılanysty krematsııadan keıin marqumnyń týystary kúldi alyp ketip, jerleı alady nemese bizde ýaqytsha saqtaı alady. Bizdiń zań boıynsha kúldi dalaǵa shashýǵa bolmaıdy. Tek saqtaý ne jerleý ruqsat etilgen. Jalpy krematsııa quny — 240 myń bolyp belgilendi, — dedi Ardaq Alıshev.
Sonymen qatar ol nysanda adam máıitinen basqa janýarlardyń denesi ne qatty qaldyqtar órtenbeıtinin atap ótti. Aıtýynsha, tiri kezinde ózin órteýge ruqsat bergen adamdar ǵana qabyldanady. Biraq ol atalǵan suraq zańdyq turǵyda áli de qarastyrylatynyn aıtty.
Krematorıı 1-3 mamyr kúnderdegi demalystan keıin dúısenbi kúni jumys isteı bastaıdy.
Eske salaıyq, Almaty ákimdigi 2020 jyly krematorııdiń jobalyq-smetalyq qujattamasyn jasaýǵa tender jarııalady.
Ǵımarattyń qurylysy 2021 jyldyń jeltoqsan aıynda aıaqtalsa da, 2022-2023 jyldardyń aralyǵynda nysannyń ashylýy qaıta-qaıta shegerildi.
2024 jyly Almaty ákimdigi krematorıı qurylysyn júrgizgen merdigerdi sotqa berip, odan 2,7 mln teńge qaıtaryp aldy.
2024-2025 jyldardyń aralyǵynda krematorııdi qaraýyna alatyn vedomstvonyń anyqtalmaýynan ǵımarat taǵy da iske qosylmady.
Keıin nysandy qoǵamdyq densaýlyq saqtaý basqarmasynyń Qalalyq patologoanatomııalyq bıýrosy qabyldap, 2026 jyly ashylatyny belgili boldy.