Almatyda elıtalyq turǵyn úı kesheniniń qurylysy toqtatyldy
ALMATY. KAZINFORM - Almatyda Autograph turǵyn úı kesheniniń qurylysynda buzýshylyqtar anyqtaldy.
Qalalyq qurylys baqylaý basqarmasynyń málimetinshe, Jamakaev kóshesinde salynyp jatqan turǵyn úı keshenini jobadan aýytqyǵan.
«Atap aıtqanda, «Benta» JShS tapsyrys berýshisi Autograph TÚK qabattylyq normasyn buzǵan. Eskızdik jobaǵa sáıkes, nysan 3 qabat + tehnıkalyq qabattan turýy kerek. Alaıda qazir keshenniń ońtústik-batys jaǵynda 4 qabat, soltústik-shyǵys jaǵynda 3 qabat bar. Sonymen qatar, nysannyń eń bıik jeri shamamen 18 metr, al ruqsat etilgen bıiktik 12 metrden aspaýǵa tıis», -dep habarlady basqarmadan.
Qazirgi ýaqytta Autograph TÚK-niń qurylys-montajdaý jumystary toqtatylyp, bir aı ishinde buzýshylyqtardy túzetý jáne nysandy ruqsat berý qujattamasyna sáıkestendirý týraly nusqama berildi.
«Aıta ketý kerek, talaptardy oryndamaý sot talqylaýlaryna, sonyń ishinde nysannyń jartylaı buzylýyna ákelýi múmkin. Esterińizge sala keteıik, 2022 jyly Almaty qalasynyń máslıhatynyń sheshimimen jáne ákimdiktiń usynysy negizinde qurylys erejesine birqatar ózgeris engizilgen bolatyn», - dep atap ótti vedomstvodan.
Sonyń ishinde ál-Farabı dańǵylynan joǵary ornalasqan ǵımarattar úshin 3 qabattan aspaıtyn, jertóle qabatty qosqanda 12 metrden bıik bolmaýy tıis degen shekteýler bar.
