Almatyda elektromobıl júrgizýshileri avtoturaqty qalaı tegin paıdalana alady
ALMATY. KAZINFORM — 18 qyrkúıekten bastap elektromobılder úshin tegin turaq qarastyratyn zań kúshine enedi. Osyǵan baılanysty «Almaty parkıng» kásiporny elektr qýaty arqyly júretin kólik júrgizýshilerine arnaıy tizilimge qosylý qajet ekenin eskertti.
«Elektromobılderdiń ıeleri tıisti rastaıtyn qujat negizinde kommýnaldyq turaqty paıdalanǵany úshin tólemaqydan bosatylady. Jeńildikter tizilimine engizý úshin elektromobılderdiń menshik ıeleri «Almaty parkıngine» júginýi nemese tehpasporttyń skanerlengen nusqasyn bere otyryp, «E-ótinish» saıty arqyly ótinish berýi qajet», — dep habarlady kásiporyn.
«Almaty parkınginde» ótinish jáne olarǵa qosa berilgen qujattar qaralǵannan keıin derekterdi tizilimge engizý týraly tıisti sheshim shyǵatyny atap ótti. Ótinimdi qaraý merzimi — 15 kúntizbelik kún. Árbir ótinish berýshige sheshim kórsetilgen resmı jaýap beriledi. Bir jyldan keıin joǵaryda atalǵan protsedýrany qaıtalaý qajet, óıtkeni tizilim jyl saıyn jańartylyp otyrady.
Eske salaıyq, buǵan deıin Qazaqstan aýmaǵyndaǵy elektromobıl sany 11 myńǵa jetkenin jazǵanbyz.
