Almatyda elektroavtobýstar júretin jańa baǵyt ashylady
ALMATY. KAZINFORM – 2025 jylǵy 2 qyrkúıekten bastap Almatyda zamanaýı elektroavtobýstar qyzmet kórsetetin jańa №90 avtobýs baǵyty jumysyn bastaıdy.
Qalalyq mobıldilik basqarmasynyń málimetinshe, №90 baǵyttaǵy avtobýs Abaı dańǵyly boıymen – K.Medeýbekov kóshesinen Respýblıka saraıyna deıin qatynaıdy.
Bul jańa baǵyt Naýryzbaı aýdanyndaǵy Qalqaman jáne Shuǵyla shaǵynaýdandary turǵyndarynyń qatynasyn jeńildetedi.
– Baǵytta uzyndyǵy 12 metrlik «Golden Dragon» markaly elektroavtobýstar qyzmet kórsetedi. Olar dybyssyz júrip, salqyndatqyshtarmen, beınebaqylaý kameralarymen, USB-uıashyqtarymen, júrgizýshini qadaǵalaý júıelerimen jáne ózge de zamanaýı quraldarmen jabdyqtalǵan, - dep habarlady basqarma.
Jolaýshylardy «Almatyelektrotrans» kommýnaldyq kásiporny tasymaldaıdy.
Kún saıyn jolǵa 25 avtobýs shyǵyp, qozǵalys aralyǵy 4 mınýt bolady.
Eske salaıyq, buǵan deıin 2025 jylǵy qyrkúıekten bastap Qazaqstan men Qyrǵyzstan «Kegen» baqylaý-ótkizý beketi arqyly Qarakól-Almaty-Qarakól baǵyty boıynsha halyqaralyq avtobýs baǵytyn qalpyna keltiretinin jazǵanbyz.