Almatyda elektr jelileriniń zaqymdanýyna baılanysty birneshe kóshe jabylady
ALMATY. KAZINFORM — Almatynyń Tsentralnaıa jáne Taldy kósheleri shuǵyl jóndeý jumystaryna baılanysty jartylaı jabylady.
Almaty ákimdiginiń málimetinshe, 4-13 qyrkúıek aralyǵynda Almatydaǵy Tsentralnaıa jáne Taldy kósheleriniń Kákimbek Salyqov kóshesinen Jáńgir han kóshesine deıingi bóliginde kólik qozǵalysy ýaqytsha shekteledi.
— Jóndeý jumystary № 2353 jáne № 2363 220 kV elektr berý jelileriniń zaqymdanýyna baılanysty júrgizilýde. Almaty qalasy men Almaty aglomeratsııasyn elektr energııasymen senimdi qamtamasyz etetin 220 kV jeliniń saqınaly syzbasy buzylǵan, — dep túsindirdi «Alataý Jaryq» kompanııasy.
Mamandar Tsentralnaıa jáne Taldy kósheleri aımaǵyndaǵy zaqymdalǵan kabel bóligin jóndeýi kerek. Jóndeý jumystary táýlik boıy qajetti qaýipsizdik sharalaryn saqtaı otyryp júrgiziledi.
Osyǵan baılanysty zardap shekken aımaqtaǵy kólik qozǵalysy ýaqytsha retteledi.
Turǵyndar men qonaqtardan baǵyttaryn aldyn ala josparlap, saıahat shekteýlerin eskerý suralady.
Eske salsaq, Almatyda 6 qyrkúıekte sport festıvaline baılanysty Tóle bı kóshesi jabylatyny habarlandy.
