Almatyda elektr jelileriniń 65 paıyzyn jańartý qajet

ALMATY. KAZINFORM – Almatyda bıyl 123 shaqyrym elektr jelisi jańǵyrtylady.

Qalalyq energetıka jáne sýmen jabdyqtaý basqarmasynyń basshysy Nurbaqyt Serikbaıdyń aıtýynsha, megapolıste 8900 shaqyrym elektr jelisi bar, onyń 64,5%-y jańartýdy qajet etedi. Osyǵan baılanysty 2025 jyly 123 shaqyrym jeli jańǵyrtylady.

Basqarma basshysy syrtqy jaryqtandyrý jumystaryna da toqtaldy.

Aıtýynsha, Almatyda qazir shamamen 200 myń jaryq núktesi bar. 2024 jyly 40 myńnan astam sham aýystyrylyp, 300 shaqyrym jeli qalpyna keltirilgen.

- Bıyl osy jumysty jalǵastyryp jatyrmyz: 15 myńnan astam sham men 5,6 myń torsher ornatylady, jaryqsyz qalǵan 1189 jerge jeli tartylady, 70 nysanǵa arhıtektýralyq jaryq berý júrgiziledi. Sonymen qatar qalada 1100 basqarý shkafy aýystyrylyp, 70 shaqyrym jeli jańǵyrtylady. Sonyń arqasynda qala 100%-ǵa jaryqpen qamtylady, qazirgisi – 90%, - dedi ol.

Eske salaıyq, buǵan deıin Almatyda elektr jelileri jer astymen júrgiziletinin jazǵanbyz.