Almatyda eks-sýdıa ustaldy

ALMATY. KAZINFORM - Áleýmettik jelide Medeý aýdandyq sotynyń eks-sýdıasy Svetlana Jolmanova ustalǵany týraly aqparat tarady. Bul derekti Almaty qalasynyń Polıtsııa departamenti rastady.

Polıtsııa málimetine sáıkes, onyń ústinen alaıaqtyq deregi boıynsha qylmystyq is qozǵalǵan.

— Medeý aýdandyq polıtsııa basqarmasy alaıaqtyq deregi boıynsha qylmystyq is qozǵady. Kúdikti polıtsııaǵa jetkizildi. Tergeý sharalary júrgizilip jatyr, — dedi qalalyq PD baspasóz qyzmetinen.

Eske salaıyq, 2021 jyly almatylyq sýdıa alaıaqtyq jasady degen kúdikke ilingen bolatyn. 

Bıyl 22 aqpandaǵy Prezıdenti Jarlyǵymen el óńirlerinde sot tóraǵalary men sýdıalar taǵaıyndaldy. 

Sondaı-aq Memleket basshysy sot isin jeńildetýge qatysty usynys aıtqanyn jazǵanbyz. 

Al Joǵarǵy sot tóraǵasy sýdıalar derbestiginde jańa reformalar erekshe áser etkenin aıtty.