Almatyda ekologııalyq talaptardy buzǵan káýaphanalarǵa aıyppul salyndy

ALMATY. KAZINFORM — Medeý aýdanynda birneshe dámhanada ekologııalyq jáne sanıtarlyq talaptardyń buzylǵany anyqtaldy.

Almaty ákimdiginiń málimetinshe, sanıtarııalyq-epıdemıologııalyq baqylaý departamenti 5 dámhanaǵa jospardan tys tekserý júrgizdi. Sonyń ishinde 4 nysannan buzýshylyq anyqtalp, bir fakti boıynsha is materıaldary sotqa joldandy. Salynǵan aıyppuldyń jalpy somasy 1,2 mln teńgeden asty.

— «Eco Almaty» JShS-niń qorshaǵan ortany qorǵaý jáne ekologııa bólimi tabıǵatty qorǵaý polıtsııasymen birge birneshe nysandaǵy tútin shyǵarý faktileri boıynsha profılaktıkalyq jumys júrgizdi. Kásipkerlerge qatty otyndy paıdalanýǵa tyıym salynǵany, al gazben jumys isteıtin jabdyq qoldanylǵan jaǵdaıda súzgiler ornatý mindetti ekeni túsindirildi. Sondaı-aq mundaı quqyqbuzýshylyq úshin jaýapkershilik bar ekeni aıtyldy, — dep habarlady ákimdikten.

Eske salaıyq, Almatyda ekologııalyq normalardy buzǵan júrgizýshiler 653 mln teńge aıyppul tóledi.