Almatyda ekologııalyq talaptardy buzǵan 200 kólik anyqtaldy
ALMATY. KAZINFORM — Almatyda kólikterdiń ekologııalyq talaptarǵa sáıkestigin tekserý jumystary júrip jatyr.
Maýsym aıynda megapolıste jyljymaly ekologııalyq zerthanalar 778 avtokólikti paıdalanylǵan gazdardyń ýyttylyǵy men tútin deńgeıiniń belgilengen normalarǵa sáıkestigine teksergen.
«Eco Almaty» JShS málimetinshe, monıtorıng qalalyq polıtsııa departamentiniń qyzmetkerlerimen birlesip júrgizildi. Tekserý nátıjesinde 194 kólikte ekologııalyq talaptardyń buzylǵany anyqtaldy. Onyń ishinde: 106 — benzın qozǵaltqyshymen júretin kólik, 86 — dızel qozǵaltqyshymen júretin kólik, 2 — gazben júretin kólik.
— Іs-sharalar Almatynyń atmosferalyq aýany qorǵaý qaǵıdalaryn iske asyrý aıasynda uıymdastyrylyp, zııandy shyǵaryndylardy azaıtýǵa jáne aýa sapasyn jaqsartýǵa baǵyttalǵan, — dep túsindirdi kompanııadan.
Eske salaıyq, Almatyda qalanyń jańa Bas josparynyń strategııalyq ekologııalyq baǵalaýy boıynsha qoǵamdyq tyńdaýlar ótti.
