Almatyda ekinshi aýysymdaǵy oqýshylar men stýdentterge sabaq bolmaıdy

ALMATY. KAZINFORM - Almaty bilim basqarmasy ata-analarǵa úndeý jasady.

«4 naýryz kúni Almaty qalasynyń mektepteri men kolledjderinde ekinshi aýysymdaǵy sabaqtar bolmaıdy. Balabaqshalardaǵy balalardy ata-analar qalaýy boıynsha alyp ketedi», - dep habarlady Almaty qalasynyń bilim basqarmasynan.

Eske salaıyq, búgin Almatyda 5 baldyq jer silkinisi boldy.

Almaty ákimdigi barlyq jınalý pýnkteri ashyq ekenin málimdedi.

Almaty polıtsııasy kúsheıtilgen rejımge aýysty.

Sondaı-aq Almaty áýejaıy qalypty rejımde jumys istep turǵanyn habarlady.