Almatyda eki zeınetker emshige baryp, aýrýyn asqyndyryp alǵan

ALMATY. KAZINFORM — Neırohırýrg dárigerler eki qart ájeıdi sal bolyp qalýdan qutqardy.Qalalyq densaýlyq saqtaý basqarmasynan málim etkendeı, eki zeınetker Ortalyq qalalyq klınıkalyq aýrýhanasyna birdeı dıagnozben júgingen. ıAǵnı, julyn kanalyndaǵy júıke tininiń isigi.

Naýqastardyń aıtýynsha, olar jasyna jáne basqa da ilespe aýrýlaryna baılanysty ota jasatýǵa qorqyp, emshilerden em izdegen.

Biraq jaǵdaıy nasharlap, dárigerge júgingen.

«Otanyń qıyndyǵy — isiktiń julynnyń syrtynda emes ishinde ornalasýynda boldy. Julynnyń ózine zaqym keltirý qaýpi joǵary edi. Qudaıǵa shúkir, eki operatsııa da sátti ótti jáne árqaısy shamamen 3,5 saǵatqa sozyldy. Bul otalardy jasaý barysynda biz óz qozǵalysymyzdy baqylaý jáne julynnyń saý bólikteriniń zaqymdanýyn boldyrmaý úshin neıromonıtorlar men neıronavıgatsııalyq júıeni qoldandyq», — deıdi OQKA neırohırýrgııa bóliminiń meńgerýshisi Marat Almatov.

Otadan keıingi kezeńde naýqastar statsıonarda ońaltýdan ótti, nátıjesinde 12 kún ishinde aıaqtyń nevrologııalyq buzylysynyń regressııasy 80%-ǵa deıin jetti.