Almatyda eki sheteldik asa iri kólemde esirtki óndirgen

Almaty qalalyq UQK departamenti asa iri kólemde sıntetıkalyq esirtki óndirip, taratqan adamdardy qolǵa túsirdi. Kazinform bul týraly QR UQK baspasóz qyzmetine silteme jasap habarlaıdy. 

- 2024 jylǵy 3 qańtarda Almaty qalasyna jaqyn mańdaǵy jalǵa alynǵan jer úıde jedel qyzmet ókilderi eki shet el azamatyn esirtki daıyndap jatqan jerinen ustady. Tintý kezinde zańsyz aınalymǵa jiberilmek bolǵan 30 keli daıyn ónim - «alfa-PVP» men 5,5 tonnadan astam prekýrsor tabyldy. Qolda bar derekter boıynsha, esirtki Qazaqstan aýmaǵyna ınternet arqyly satylmaq bolǵan, - dep habarlady QR UQK.

Sot sheshimi boıynsha eki azamat ta qamaýǵa alyndy. Qazirgi ýaqytta sotqa deıingi tergeý júrip jatyr.