Almatyda eki myńnan astam adam qyzylshamen aýyrdy

ALMATY. KAZINFORM – Almatyda jyl basynan beri qyzylsha aýrýymen 2387 adam aýyrdy. Onyń 1453 bala.

Almaty qalalyq sanıtarlyq-epıdemıologııalyq baqylaý departamentiniń basshysy Qasymhan Alpysbaıulynyń aıtýynsha, balalar arasyndaǵy aýrýshańdyq negizinen vaktsınatsııadan bas tartý sebebinen, sondaı-aq, vaktsınatsııadan medıtsınalyq bosatý jáne egý jasyna jetpeý saldarynan tirkeledi.

«Osy jyldyń basynan beri qyzylshanyń 2387 rastalǵan jaǵdaıy tirkeldi, onyń ishinde 14 jasqa deıingi balalar arasynda 1453 jaǵdaı (60,3%), 15 jastan 18 jasqa deıingi jasóspirimder arasynda – 107 (4,5%) jáne eresekter arasynda – 832 (34,8%). Balalar arasyndaǵy aýrýshańdyǵy negizinen vaktsınatsııadan bas tartý sebebinen bolyp otyr», - dedi ol.

Almatynyń bas sanıtar dárigeriniń dereginshe, 2023 jyldyń 10 qarashasy men osy jyldyń 17 naýryz aralyǵynda qalada qyzylsha, qyzamyq, parotıtke qarsy qosymsha jappaı ımmýndaý sheńberinde barlyǵy 159 310 adam qamtyldy, onyń ishinde 6 aıdan bastap 10 aı 29 kúnge deıingi 12 636 bala, 2 jastan 4 jasqa deıingi balalar – 78 818, medıtsına qyzmetkerleri – 8676 jáne basqa jastaǵy buryn qyzylshaǵa qarsy josparly ekpe almaǵan (vaktsınatsııa kýrsy tolyq emes) tolyqtyra ımmýndaý boıynsha 59 180 bala bar.

Sonymen qatar, Ulttyq profılaktıkalyq egý kúntizbesine sáıkes qyzylshaǵa qarsy josparly ımmýndaý jalǵasýda: 1 jasta (12-15 aı) vaktsınatsııa jáne 6 jasta revaktsınatsııa.

Budan basqa, buryn qyzylshaǵa qarsy egilmegen 18 jasqa deıingi balalar aýmaqtyq emhanada ımmýndaý boıynsha ekpe ala alady.