Almatyda eki myńǵa jýyq túlek UBT-dan bas tartty
ALMATY. KAZINFORM — Almatyda bıyl mektep bitirgen 17 myńnan astam túlektiń 2 myńǵa jýyǵy Ulttyq biryńǵaı testileýge qatyspaıdy. Olardyń kóbi sheteldik joǵary oqý oryndaryn tańdasa, bir bóligi halyqaralyq ýnıversıtetterdiń fılıaldaryna túsýge jáne kolledjde bilim alýǵa nıetti.
Bul týraly Almaty bilim basqarmasynyń basshysy Sáken Aralbaev aıtty. Onyń málimetinshe, qalada 360 mektep jumys isteıdi, onda 357 225 oqýshy bilim alyp jatyr. Memlekettik mektepterde 314 456 oqýshy tirkelse, jekemenshik mektepterde 42 769 bala oqıdy.
Bıyl 17 187 túlek 11-synypty támamdady.
— 2026 jyly Almatyda 15 251 túlek UBT tapsyrýdy josparlap otyr. Olardyń basym bóligi — 8 684 adam testileýdi qazaq tilinde tapsyrady, 6 566 túlek orys tilin tańdap otyr, — deıdi Sáken Aralbaev.
Sonymen qatar 1 990 túlek UBT-ǵa qatyspaıdy. Onyń negizgi sebebi — sheteldik joǵary oqý oryndaryna túsýi. Budan bólek, 342 oqýshy sheteldik ýnıversıtettiń fılıalyna ishki qabyldaý emtıhanynyń nátıjesi boıynsha túsýdi josparlasa, 169 túlek kolledjde bilim alýdy tańdaǵan. Bıyl UBT-ǵa qatysý úshin erekshe bilim berý qajettiligi bar 235 oqýshy tirkelgen.
Eske salaıyq, buǵan deıin 385 talapker tyıym salynǵan zattardy alyp kirmek bolǵany úshin UBT-dan shettetilgenin habarlaǵanbyz.
