Almatyda eki kúnde jol erejesin buzýdyń 3 myń deregi tirkeldi
ALMATY. KAZINFORM — Almatyda 3 jáne 4 tamyz kúnderi jol júrisi qaǵıdalaryn buzýdyń 3 341 deregi anyqtaldy.
Almaty prokýratýrasynyń málimetinshe, onyń ishinde jol júrisine qatysýshylardyń ómiri men densaýlyǵyna joǵary qaýip tóndiretin 190 óreskel buzýshylyq bolǵan.
Atap aıtqanda:
* kólik quralyn mas kúıde basqarý — 14;
* kólik quralyn basqarý quqyǵynan aıyrylǵan adamdardyń basqarýy — 3;
* manevr jasaý qaǵıdalaryn buzý, sonyń ishinde qaýipti manevr jasaý — 158;
* jalǵan memlekettik nómiri bar kólik quraldaryn paıdalaný jáne basqarý — 2;
* qaýipsizdik beldigin taqpaý — 115;
* joldyń qarsy baǵyttaǵy qozǵalys jolaǵyna shyǵyp ketý — 13;
* kólik quralyn basqarý kezinde uıaly telefondy paıdalaný — 89.
Eki kúnde mamandandyrylǵan aıyppul turaǵyna 122 kólik quraly qoıylǵan.
Eske salaıyq, Almatyda bıyl kóriktendirý qaǵıdalaryn buzǵandarǵa 110 mln aıyppul salyndy.
