Almatyda eki kúdikti jábirlenýshini baılap, zergerlik buıymdar men aqshany urlap ketken

ALMATY. KAZINFORM — Almatyda 30 mıllıon teńgeniń qaraqshylyq shabýyly birden áshkere boldy.

Qylmys kúndizgi ýaqytta jasalǵan. Beıtanys áldebireý jábirlenýshige kúsh qoldanamyn dep qorqytyp, ony baılap, zergerlik buıymdar, baǵaly múlik jáne aqshalaı qarajatty qoldy qylǵan. Atalǵan derek boıynsha qylmystyq is qozǵaldy.

Krımınaldyq polıtsııa qyzmetkerleri jedel-izdestirý is-sharalary barysynda eki kúdiktini anyqtap, ustady. Tergeý kezinde urlanǵan múliktiń edáýir bóligi tárkilendi. Ustalǵandar kinásin moıyndap, ýaqytsha ustaý ızolıatoryna qamaldy.

Qazirgi ýaqytta kúdiktilerdiń osyǵan uqsas ózge de qylmysqa qatysy bar-joǵy tekserilip jatyr.

Eske salaıyq, buǵan deıin Almatyda bopsalaý jáne tonaý derekteri boıynsha aýyr qylmys jasady degen kúdikpen izdeýde júrgen er adam ustalǵanyn jazǵanbyz.