Almatyda eki kóshe ýaqytsha jabylady

ALMATY. KAZINFORM — Almatydaǵy Jamaqaev jáne Zenkov kósheleriniń bir bóligi ýaqytsha jóndeýge jabylady.

Almaty ákimdiginiń málimetinshe, Jamaqaev kóshesiniń belgili bir aýmaǵynda jol jamylǵysyn jóndeý jumystaryna baılanysty kólik qozǵalysyna ýaqytsha shekteýler engiziledi.

Atap aıtqanda, 4 sáýir kúni saǵat 05:00–den 6 sáýir kúni saǵat 06:00–ge deıin Ahmedıarov kóshesinen Ivanılov tuıyǵyna deıingi aralyqta qozǵalys tolyqtaı jabylady. Bul aýmaqty Syzǵanov, Ivanılov jáne Eskendirov kósheleri arqyly aınalyp ótýge bolady.

Sonymen birge Zenkov kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteýler engiziledi.

4 sáýir saǵat 23:00–den 5 sáýir saǵat 06:00–ge deıin Qurmanǵazy kóshesinen Respýblıka saraıyna deıingi aralyqta qozǵalys tolyqtaı jabylady.

— Jóndeý júrgiziletin aýmaqta eskertý belgileri ornatylyp, merdiger uıym basshysynyń baılanys derekteri kórsetilgen aqparattyq taqtalar ornatylady. Turǵyndardan qozǵalys baǵytyn aldyn ala josparlaýdy suraımyz, — delingen habarlamada.

Eske salaıyq, buǵan deıin Almatynyń bir kóshesinde qozǵalys jazǵa deıin shekteletinin jazǵanbyz.