Almatyda eki er adamnan 190 sim-karta men sim-box qurylǵysy tárkilendi

ASTANA. KAZINFORM – ІІM otandyq uıaly baılanys operatorlarymen birlesip, el aýmaǵynda alaıaqtyq qyzmettiń jolyn kesý boıynsha jumysty jalǵastyryp jatyr. Bul týraly Polisia.kz habarlady. 

Respýblıkanyń aýmaǵynda túrli messendjerler arqyly qazaqstandyqtarǵa qońyraý shalý úshin ınternet-alaıaqtar sim-box qurylǵylaryn paıdalanady.

Adamdardy aldaý úshin qylmyskerlerdiń belgili bir elde bolýy mindetti emes. Sim-box qurylǵylarynyń bolýy jetkilikti. Olar jergilikti uıaly baılanys operatorlarynyń ınternet-trafıgin qoldana otyryp, jalǵan nómirlermen baılanys ornatýǵa múmkindik beredi. 

Jańa jyl qarsańynda ІІM kıberqylmysqa qarsy is-qımyl departamentiniń úılestirýimen Almaty PD polıtsııa qyzmetkerleri jaldamaly páterde sim-box qurylǵysynyń úzdiksiz jumysyn qamtamasyz etken 25 jastaǵy eki jigitti ustady. Jedel ýákilder páterdi tintý kezinde árqaısysy 32 slottyq tórt sim-box qurylǵysyn jáne qazaqstandyq uıaly baılanys operatorlarynyń 190 sim-kartasyn, birneshe telefon men noýtbýktardy tárkiledi.

Tergeý amaldary júrgizilip jatyr. Ustalǵandarǵa qatysty «qamaýda ustaý» bultartpaý sharasy tańdaldy.