Almatyda eki avtobýs parki men gaz toltyrý stantsııasy salynady
ALMATY. KAZINFORM – Almatyda jańa avtobýs parkteri salynyp, gaz toltyrý kompressorlyq stantsııalary ashylady.
Almaty ákimdiginiń málimetinshe, árqaısysy 300 avtobýs syıymdylyǵy bar eki avtobýs parkin salý úshin jer telimderi men jeke ınvestorlar anyqtaldy. Olardyń biri Qulja traktisiniń aýmaǵynda, ekinshisi Móńke bı kóshesiniń soltústiginde ornalasady. Eki nysannyń qurylysy kelesi jyldyń naýryz aıynda aıaqtalady dep josparlanyp otyr.
Almaty ákimi Darhan Satybaldy qazir qalada avtobýstarǵa janarmaı quıý jáne qyzmet kórsetý ınfraqurylymy jyljymaly quramnyń sanyna sáıkes kelmeıtinin, sondyqtan avtobýs parkteri men stantsııalaryn salý máselesi baqylaýda bolatynyn aıtty.
Eske salaıyq, buǵan deıin Almatyda elektroavtobýstar júretin jańa baǵyt ashyldy.