Almatyda dzıýdodan jastar arasynda Azııa kýbogy ótedi

ASTANA. KAZINFORM - Qurlyqtyq báseke 3-6 shilde kúnderi «Balýan Sholaq» sport kesheninde ótedi dep belgilengen. 

Jasóspirimder men jastar arasynda jarys Beket Mahmutovty eske alýǵa arnalady. Oǵan Qazaqstan, Ázerbaıjan, Qyrǵyzstan, Tájikstan, Ózbekstan, Lıvan, Mońǵolııa, Halyqaralyq dzıýdo federatsııasynyń quramasy jáne AQSh elderinen 700-ge jýyq tatamı sheberi qatysady dep josparlanǵan. 

Sondaı-aq Azııa kýbogy aıasynda tóreshiler men jattyqtyrýshylarǵa arnalǵan halyqaralyq semınar ótedi. Semınarǵa Polsha, Mysyr, Ońtústik Koreıa, Qyrǵyzstan, Úndistan, Iran, Nıderland, Japonııa jáne Saýd Arabııasynan 80 tóreshi qatysady. 

Qurlyqtyq básekede 3-4 shilde kúnderi jasóspirimder synǵa tússe, 5-6 shildede jastar júldelerdi sarapqa salady. 

Eske salsaq, budan buryn Qazaqstan quramasy dzıýdodan álem chempıonatyn bir medalmen aıaqtady.