Almatyda dúkenge qaraqshylyq shabýyl jasalyp, kúdikti ustaldy

ASTANA. KAZINFORM – Almaty polıtsııasy kúsh qoldana otyryp jasalǵan qaraqshylyq shabýylmen baılanysty isti ashty.

Oqıǵa qalanyń azyq-túlik statyn dúkenderiniń birinde boldy. Belgisiz er adam áıelge shabýyl jasap, oǵan dene jaraqatyn salǵan ári altyn áshekeıin tartyp alyp, oqıǵa ornynan qashyp ketken. Zardap shekken áıelge der kezinde medıtsınalyq kómek kórsetildi.

Almaty qalalyq polıtsııa departamenti krımınaldyq polıtsııa basqarmasynyń bastyǵy Ashat Daýletııarovtyń aıtýynsha, atalǵan derek boıynsha qylmystyq is qozǵaldy. Jedel-izdestirý sharalarynyń nátıjesinde kúdikti anyqtalyp, ustaldy. Urlanǵan múlik tárkilenip, is materıaldaryna tirkeldi.

- Kúdikti ýaqytsha ustaý ızolıatorynda otyr. Qazirgi ýaqytta sotqa deıingi tergeý júrip jatyr jatyr, - delingen habarlamada.

Osyǵan deıinAlmatyda 16 jastaǵy jasóspirimniń ólimine qatysty qylmystyq is qozǵalǵany týraly jazdyq.