Almatyda dúken órtenip, 5 adamǵa medıtsınalyq kómek qajet boldy
ASTANA. KAZINFORM — Búgin Almaty qalasy Túrksib aýdany Hasanǵalıuly kóshesinde órt boldy. Habar túsken boıda TJM kúshteri oqıǵa ornyna jiberildi.
TJM baspasóz qyzmetiniń málimetinshe, oqıǵa ornyna kelgen kezde jalpy aýmaǵy 80 sh. m. sharýashylyq qurylysy men aldyn ala málimet boıynsha dúkenniń órtenip jatqany anyqtaldy.
— Qabyldanǵan jedel sharalardyń arqasynda órt sóndirilip, onyń jaqyn mańdaǵy jeke turǵyn úılerge taralýyna jol berilmedi. Órt oshaǵynan 3 gaz ballony qaýipsiz jerge shyǵaryldy. Órtti tolyq joıý úshin ǵımarattyń shatyry ashylyp, sý tógý jumystary júrgizildi. Oqıǵa ornynda TJM-nyń 31 qyzmetkeri jáne 8 tehnıka jumyldyryldy. Medıtsınalyq kómekke 5 adam júginip, barlyǵy qalalyq aýrýhanalarǵa jetkizildi, — delingen habarlamada.
Qutqarýshylar qysqy kezeńde órt qaýipsizdigi erejelerin saqtaýǵa shaqyrady.
Budan buryn Almaty áýejaıynda ózin órtemek bolǵan er adamǵa qatysty tergeý toqtatylǵanyn jazǵanbyz.
