Almatyda drıft jasaǵan taǵy bir júrgizýshi jazalandy
ALMATY. KAZINFORM — Almatyda drıft jasaǵan kezekti júrgizýshiniń kóligi aıyppul turaǵyna qoıyldy.
Almatydaǵy saýda ortalyǵynyń avtoturaǵynda júrgizýshi jol erejesin óreskel buzyp, drıft jasaǵan. Qalalyq polıtsııa departamenti quqyq buzýshy jaýapkershilikke tartylǵanyn habarlady. Jetisý aýdandyq polıtsııa qyzmetkerleri 28 jastaǵy qala turǵynyn ustaǵan.
— Júrgizýshige jol qozǵalysy erejesin óreskel buzǵany úshin Ákimshilik quqyq buzýshylyq týraly kodekstiń eki baby boıynsha ákimshilik hattama toltyryldy. Kóligi arnaıy aıyp turaǵyna qoıyldy. Ortaq paıdalanylatyn joldarda, avtoturaqtarda jáne qoǵamdyq oryndarda drıft jasaý — aınaladaǵy adamdardyń ómiri men qaýipsizdigine qater tóndiredi, — dep habarlady departamentten.
Eske salaıyq, buǵan deıin Almatyda túngi ýaqytta drıft jasaǵan BMW avtokóliginiń júrgizýshisi jazalandy.
