Almatyda Dostyq úıiniń jańa ǵımaraty salynady – Dosaev
ALMATY. KAZINFORM – Almatydaǵy Dostyq úıinde Qazaqstan halqy Assambleıasynyń 30 jyldyǵyna arnalǵan keńeıtilgen otyrys ótti.
Prezıdent Qasym-Jomart Toqaevtyń tapsyrmasy boıynsha Almaty qalasynyń ákimi Erbolat Dosaev «Qazaqstan halqy Assambleıasyna 30 jyl» medalderin etnomádenı birlestikterdiń ókilderine, máslıhat depýtattaryna jáne Assambleıa ardagerlerine tabys etti.
– 1995 jyly 1 naýryzda Almatyda – Qazaqstan táýelsizdiginiń besigi sanalǵan qalada – Qazaqstan halqy Assambleıasyn qurý týraly Qazaqstan Prezıdentiniń Jarlyǵyna qol qoıyldy. Dál osy qalamyzda keıinnen memlekettik saıasattyń bir bóligine aınalǵan jáne eldiń turaqtylyǵy men damýynyń basty faktoryna aınalǵan ultaralyq kelisim men birliktiń biregeı qazaqstandyq úlgisiniń irgetasy qalandy, - dedi Erbolat Dosaev.
Sondaı-aq ol shaharda jańa Dostyq úıin salý jospary bar ekenin málimdedi.
– Almatyda 30-dan astam etnomádenı birlestikti biriktiretin Dostyq úıi jumys isteıdi. Ol etnostar arasyndaǵy ózara is-qımyly men yqpaldastyqtyń mádenı-kommýnıkatsııalyq birtutas alańyna aınaldy. Biz Dostyq úıine nazar aýdaryp, oǵan arnap jeke ǵımarat salamyz. Bul bizdiń qalamyzdyń jetistikterin kórsetýge bolatyn erekshe orynǵa aınalady, - dedi qala ákimi.
Eske salaıyq, bıyl 1 naýryz kúni Qazaqstan halqy Assambleıasyna 30 jyldyǵyna oraı búkil oblysta estelik taqtalar ashyldy.