Almatyda Dinmuhamed Qonaevtyń eskertkishine gúl shoqtary qoıyldy
ALMATY. KAZINFORM — Almatyda Dinmuhamed Qonaevtyń 114 jyldyǵyna oraı eskertkishke gúl qoıý rásimi ótti.
Qazaqstannyń kórnekti memleket jáne qoǵam qaıratkeri, úsh márte Sotsıalıstik Eńbek Eri, dıplomat, akademık Dinmuhamed Ahmetuly Qonaevtyń týǵanyna 114 jyl tolýyna oraı Almaty qalasynda tarıhı tulǵanyń eskertkishine gúl shoqtaryn qoıý rásimi ótti.
Taǵzym etý sharasyna Dinmuhamed Ahmetulynyń qyzmettesteri men týǵan-týystary, memleket jáne qoǵam qaıratkerleri, joǵary oqý oryndarynyń stýdentteri, sondaı-aq qala turǵyndary men qonaqtary qatysty.
Іs-shara aıasynda «Ǵylym ordasy» atynan Dinmuhamed Qonaevqa qatysty barlyq resmı qujattar D. A.Qonaev mýzeıiniń qoryna tabystaldy. Bul qundy mura uly tulǵanyń saıası, ǵylymı jáne qoǵamdyq qyzmetin tereńirek zerdeleýge múmkindik beredi.
Odan bólek tarıhı tulǵanyń aty berilgen Almaty oblysynyń ákimshilik ortalyǵy — Qonaev qalasynda Dinmuhamed Ahmetuly eskertkishine gúl shoqtaryn qoıý rásimi ótti. Eske alý sharasyna oblysy ákimdiginiń ókilderi, mádenıet salasynyń ókilderi, quqyq qorǵaý organdarynyń qyzmetkerleri jáne qala turǵyndary qatysty.
Eske salaıyq, 1912 jyldyń 12 qańtarynda asa kórnekti memleket jáne qoǵam qaıratkeri, úsh márte Sotsıalıstik Eńbek Eri, Qazaq KSR Ǵylym akademııasynyń akademıgi, tehnıka ǵylymdarynyń doktory Dinmuhamed Ahmetuly QONAEV dúnıege kelgen.