Almatyda dinı ekstremıstik ádebıetterdi taratqan sheteldik ustaldy
ALMATY. KAZINFORM — Almatyda polıtsııanyń arnaıy jasaǵy sheteldik azamatty ustady.

Qalalyq polıtsııa departamentiniń málimetinshe, onyń dinı joralǵylarmen aınalysqany jáne Qazaqstanda tyıym salynǵan ekstremıstik uıymnyń ıdeologııasynyń belgileri bar dinı materıaldardy taratqany anyqtalǵan.
— Ruqsat etilgen tintý kezinde tergeýge qatysy bar zattar men materıaldar tárkilendi. Qylmystyq is qozǵaldy. Ustalǵan azamat ýaqytsha ustaý ızolıatoryna qamaldy. Azamattyǵy men turǵylyqty jerine qaramastan destrýktıvti dinı ıdeologııany taratýǵa baǵyttalǵan kez kelgen is-áreketterge tosqaýyl qoıylady, — dedi Ekstremızmge qarsy kúres basqarmasynyń bastyǵy Ashat Dáýletııarov.
Eske salaıyq, buǵan deıin Qazaqstanda tyıym salynǵan dinı ádebıetter tizimi qanshalyqty jasalýy múmkin ekenin jazǵanbyz.