Almatyda Denıs Tenniń qurmetine halyqaralyq týrnır ótedi
ASTANA. KAZINFORM — 7-10 qazan aralyǵynda Almatyda mánerlep syrǵanaýdan halyqaralyq týrnır — Denıs Ten Memorıaly ótedi.
Bul týrnırge 25 elden 150-ge jýyq mánerlep syrǵanaýshy qatysady.
Jarys aıasynda jasóspirimder, erler men áıelder arasyndaǵy jekeleı syrǵanaýda, sondaı-aq, muzdaǵy bıde júldeler sarapqa salynady. Baıraqty báseke Halyk Arena muz aıdynynda ótedi.
Aıta keteıik, bul týrnır Qazaqstannyń mánerlep syrǵanaý tarıhynda óshpes iz qaldyrǵan 2014-Olımpıada oıyndarynyń júldegeri Denıs Tenniń qurmetine uıymdastyrylady.
Eske salaıyq, buǵan deıin qazaqstandyq mánerlep syrǵanaýshylar Túrkııada ótetin Gran-prı serııasynyń tórtinshi kezeńine qatysatynyn jazǵan edik.
