Almatyda demalys kúnderiniń jármeńkeleri modernızatsııalandy

ALMATY. KAZINFORM — «Almaty áleýmettik-kásipkerlik korporatsııasy» AQ Almaly, Áýezov, Bostandyq jáne Medeý aýdandaryndaǵy demalys kúnderi ótetin jármeńkelerdiń ınfraqurylymyn jańartty.

жәрмеңке
Фото: Алматы әкімдігі

Ákimdikten málim etkendeı, biryńǵaı jańa saýda sóreleri ornatylyp, sanıtarlyq jaǵdaı jaqsartyldy, kelýshilerdiń qozǵalysy úshin qolaıly baǵyttar qalyptastyryldy. Jańǵyrtý sonymen qatar jármeńkelerdi qala turǵyndary men kásipkerlerdiń múddeleri úılesetin zamanaýı qoǵamdyq keńistikterge aınaldyrýǵa múmkindik berdi.

— Men jaqyn jerde turamyn, sondyqtan apta saıyn jármeńkege baramyn. Negizinen et, kókónister, aıran, sút ónimderin satyp alamyn. Barlyq ónim - jańa, baǵalary da asa qymbat emes. Modernızatsııaǵa keletin bolsaq, jóndeýden ótken jármeńkege barý jaǵymdy. Kórneki oryn kóbeıdi, qaqtyǵys joq, bári taza, - dedi satyp alýshy, jergilikti turǵyn Gúlmıra Ishmuhametova.

Almaty
Foto: Almaty ákimdigi

Zeınetker Galına Andreeva óz kezeginde jármeńke qaladaǵy jańa ónimderdi qoljetimdi baǵamen satyp alýǵa bolatyn oryndardyń biri ekenin atap ótti.

— Men kókónister satamyn, sondyqtan men úshin ónimdi jaqsy túrde taratý mańyzdy. Jańa jabdyq ádemi ,shatyrlar zamanaýı kórinedi. Estetıkalyq kórinis satyp alýshylardy da qyzyqtyrady. Satý ońaıyraq boldy jáne jaqsy jaǵdaıda jumys isteý óte jaǵymdy, - deıdi jalǵa alýshy Aleksandr Nıgaı.

Jármeńkeler ár senbi jáne jeksenbi kúnderi saǵat 9:00-den 18:00-ge deıin jumys isteıdi. Olarǵa apta saıyn 28 myńnan astam adam keledi, al 300-ge jýyq satýshy ónim ótkizedi.

Сейчас читают