Almatyda demalys kúnderi aýylsharýashylyq jármeńkesi ótedi
ALMATY. KAZINFORM — Almatyda aldaǵy demalys kúnderi, ıaǵnı 2- 4 mamyr aralyǵynda saǵat 09:00-den 18:00-ge deıin Almaty oblysy aýyl sharýashylyǵy taýar óndirýshileriniń jármeńkesi ótedi.
Almaty men Almaty oblysynyń 318 fermeri men aýyl sharýashylyǵy óndirýshileri jármeńkede halyqqa 900 tonnaǵa deıin azyq-túlik taýarlaryn satýdy josparlap otyr.
— Onyń ishinde et ónimderi — 390 tonna, jemis, kókónis ónimderi — 400 tonna, sút ónimderi — 50 tonna, jumyrtqa, shujyq jáne bal — 30 tonna, basqalary — 30 tonna, - dep habarlady ákimdiktiń baspasóz qyzmeti.
Jármeńkeler 3 jáne 4 mamyrda (senbi jáne jeksenbi) saǵat 09:00-den 18:00-ge deıin qalanyń tórt aýdanynda ótedi:
* Almaly aýdany-Masanchı kóshesi (Áıteke bı kóshesi men Gogol kóshesi arasynda);
* Áýezov aýdany — Ótegen batyr kóshesi (Abaı dańǵylynan tómen);
* Bostandyq aýdany — sh/a. Qazaqfılm (ál-Farabı dańǵylynan joǵary);
* Medeý aýdany — Meńdiqulov býlvary-Bekturov kóshesi.
Jármeńkede áleýmettik mańyzy bar ónimder naryqtyq qunnan 15-20%-ǵa tómen satylady.
Osyǵan deıin Almatyda kókónis baǵasy arzandaıtyny týraly jazǵanbyz.