Almatyda demalys kúnderi aýyl sharýashylyq jármeńkesi ótedi
ALMATY. KAZINFORM — Osy demalys kúnderi almatylyqtar «Dala dámi» respýblıkalyq aktsııasy aıasynda aýyl sharýashylyǵy ónimderin qoljetimdi baǵada satyp ala alady.
19 qyrkúıekten bastap qalada otandyq aýylsharýashylyǵy taýaryn óndirýshilerdi qoldaýǵa jáne turǵyndardy sapaly maýsymdyq ónimmen qamtamasyz etýge baǵyttalǵan «Dala dámi» jobasy bastalady.
Almatyda ótetin 330 fermerlik sharýashylyq pen óndirýshi qatysyp, ónimderin tikeleı ótkizedi.
Jármeńkelerde jańa pisken kókónister men jemister, et jáne sút ónimderi, jumyrtqa, bal, nan-toqash ónimderi sııaqty myńnan astam ónim túri bar.
Jármeńkeler Áýezov, Almaly, Medeý, Bostandyq, Jetisýjáne Túrksib aýdandarynda ótedi.
Olar ár senbi jáne jeksenbi saǵat 09:00–den 18:00–ge deıin ótedi.
Almaty qalasy kúnine oraı Bostandyq aýdanynda «Qazaqfılm» shaǵynaýdanynda 20 qyrkúıekte jańǵyrtalǵan alǵashqy jármeńke ashylady.
49 sotyq aýmaqta 112 saýda orny qarastyrylǵan. Onyń ishinde ashyq jáne jabyq pavılondar, sondaı-aq fýdkort aımaǵy bar.
Jármeńke ótetin jerler:
- Bostandyq aýdany — «Qazaqfılm» shaǵynaýdany;
- Áýezov aýdany — Rysqulbekov kóshesi, 33/2;
- Medeý aýdany — Meńdikulov jáneBekturov kósheleriniń qıylysy;
- Almaly aýdany — Masanchı kóshesi, Áıtekebı jáne Gogol kósheleriniń aralyǵy;
- Jetisý aýdany — «Qulager» shaǵynaýdany;
- Túrksib aýdany — Rysqulov jáne Aıtykov kósheleriniń qıylysy.
Eske salaıyq, Astanada aýyl sharýashylyǵy jármeńkesi ótetini habarlandy.
