Almatyda dámhana qonaǵyn aıaýsyz urǵan kúzetshiler ustaldy

ALMATY. KAZINFORM - Almaly aýdandyq polıtseı̆leri qaladaǵy oı̆yn-saýyq mekemeleriniń birine kelgen azamatty soqqyǵa jyqqan eki kúzetshini ustady.

Polıtsııa málimetine sáıkes, jábirleýinshi otyrys ýaqytyn sozýdy suraǵan. Al kúzetshiler oǵan kelispeı, artynsha ony soqqyǵa jyqqan. Nátıjesinde 40 jastaǵy er adam aýyr jaraqattarmen qalalyq aýrýhanalardyń birine jatqyzyldy.

«Buzaqylyq deregi boı̆ynsha sotqa deı̆ingi tergeý barysynda dámhananyń eki kúzetshisiniń kinási anyqtaldy. Jábirlenýshi onda dostarymen birge bolǵan. Kúzetshiler kafe kelýshileriniń otyrys ýaqytyn uzartý týraly ótinishine agressıvti túrde áreket etkendigi belgili boldy. Onyń ústine mekeme qyzmetkerleri soqqyǵa jyǵylǵan er adamǵa arasha túspek bolǵan adamdarǵa mán bermegen. Eki kúdikti de ustalyp, qamaýǵa alyndy», - dedi Almaly aýdandyq polıtsııa basqarmasynyń bastyǵy Ulan Ábilqaı̆yr.

Eske salaıyq, buǵan deıin polıtsııa azamattardyń atyna zańsyz nesıe rásimdegen qylmystyq top múshelerin ustaǵanyn jazǵanbyz.