Almatyda daǵdarys ortalyqtaryna bıyl qansha adam júgindi
ALMATY. KAZINFORM — Almatyda daǵdarys ortalyqtarynyń jumysy qorytyndylady.
«Daǵdarys ortalyqtarynyń odaǵy» birlestiginiń basshysy Zýlfııa Baısaqovanyń aıtýynsha, daǵdarys ortalyqtary óz qyzmetin keńeıtip, pana usynýdan basqa da kómek túrleri men áleýmettik demeý kórsetýdi damytyp jatyr.
Jalpy jyl basynan beri Almatydaǵy daǵdarys ortalyqtarynda 445 adam (150 áıel, 295 bala) baspana qyzmetin paıdalanǵan. 1001 adam (722 áıel, 279 bala) psıholog keńesin jáne 811 suraq boıynsha 223 adam zańger keńesin alǵan.
Odan bólek 53 adam jumyspen qamtylyp, 6 adam bastapqy kásibı daǵdylar kýrsynan ótken. 67 adam otbasymen qaıta qosylǵan. 5 adamǵa járdemaqy resimdelgen, taǵy 7 adamǵa qujattary qalpyna keltirilgen.
— 2017 jyly daǵdarys ortalyǵy qurylǵaly beri onyń qyzmetin 11 615 adam paıdalandy. Zańnamadaǵy ózgerister qoǵamdyq jaýapkershilikti arttyryp, Almaty men basqa óńirlerdiń turǵyndary turmystyq zorlyq-zombylyq kórgeni týraly jıi habarlaı bastady, — dedi Zýlfııa Baısaqova.
Eske salaıyq, byltyr Almatynyń daǵdarys ortalyqtaryna bıyl 2 myńnan astam adam júgingenin jazǵanbyz.