Almatyda City Run júgirý jarysy ótedi

12 qarasha kúni Almatyda «Birinshi bolý batyldyq» korporatıvtik qorynyń bıylǵy sońǵy júgirý jarysy ótedi, dep habarlaıdy Kazinorm.   

«Birinshi bolý batyldyq» korporatıvtik qorynyń baspasóz qyzmeti habarlaǵandaı, 12 qarashada almatylyqtar ózderine jaqsy tanys jerlermen júgirip óte alady. Jarys «Astana» alańynan bastalady.

Jarystyń araqashyqty: 10 shaqyrym (15 jastan joǵary), 5 shaqyrym Skandınavııalyq júris (15 jastan joǵary). Іs-sharaǵa tirkelý jáne tólem jasaý almaty-marathon.kz saıtynda qoljetimdi. Jarysqa qatysý quny – (eki qashyqtyq úshin) 7 myń teńge. Qatysýshylardyń sany 2200-ge jetken kezde jarysqa tirkelý toqtatylady.

«City Run – júgirý ǵana emes, bul Almatynyń ótkeni men búginine saıahat. Almatynyń tarıhı ortalyǵymen júgire otyryp, siz qalanyń kórnekti jerlerin kóre alasyz, onyń qaıtalanbas rýhyn sezinip, qýat alasyz. Bizdiń maqsatymyz sportty nasıhattap qana qoımaı, Almatynyń tarıhy men mádenıeti mol qala ekenin kórsetý», – dedi «Birinshi bolý batyldyq» korporatıvtik qorynyń quryltaıshysy Ǵalymjan Esenov.

Atalǵan qashyqtyqtan ótken adamdarǵa «fınısher» medali beriledi. 10 shaqyrymdyq qashyqtyqta áıelder men erler arasyndaǵy úsh jeńimpaz seriktesterdiń medal, gramota, syılyqtarymen marapattalatyn bolady.

«Biz qala turǵyndarynyń jyl saıyn sporttyq is-sharalar men jarystarǵa qatysatynyn kórip, qýanyp otyrmyz. 2023 jyl energııa men yntymaqtastyqqa toly jyl boldy. City Run-da júgirý maýsymyn birge aıaqtaıyq, onda ár qatysýshy qalanyń pýlsin aıaq astynda sezine otyryp, sporttyq is-sharadan lázzat ala alady», - dep atap ótti «Almaty marafonynyń» reıs dırektory (race-director) Saltanat Qazybaeva.

Aıta keteıik, 29 qazanda Qazaqstanda Aza tutý kúnine baılanysty Túrkistanda «Turkistan Marathon 2023» ótpeı qalǵan edi.