Almatyda chempıondardyń qatysýymen ótken halyqaralyq jarys aıaqtaldy
Almatyda tuńǵysh ret dzıýdodan erler arasynda halyqaralyq komandalyq «Jenys Cup» týrnıri ótti, dep habarlaıdy Kazinform.
QR Dzıýdo federatsııasynyń baspasóz qyzmetinen málim etkendeı, qazaqstandyq «Jenys» dzıýdo klýby baıraqty dodanyń qol júldesin jeńip aldy. Atalǵan klýb sportshylary “Lokomotiv Green Hill” klýbymen kezdesti.
Elimiz namysyn qorǵaǵan Kýbanychbek Aıbekýýly (-66kg), Asqar Narqulov (-73kg), Jansaı Smaǵulov (-73kg), Tato Grıgalashvılı (-81kg), Erlan Sherov (-90kg) pen Saba Inaneshvılı (+90kg) azýly qarsylastaryn 3:0 esebimen taza jeńip shyqty.
Bul kezeńge deıin «Jenys» klýby «Spanish Judo Car-Madrid», «Stayki» jáne «Genco» klýbtarynyń sportshylaryn utyp shyqqan bolatyn.
Jarys nátıjesinde fınalda beldesken «Shevardeni» klýby chempıon atansa, «Hoji Sharif» kúmis júldege qol jetkizdi. Al «Jenys» jáne «Edelweiss» klýbtary úshinshi oryndy bólisti.
Sonymen qatar uıymdastyrýshylar sheshimimen jarys barysynda úzdik bolyp tanylǵan sportshylarǵa arnaıy júldeler tabystaldy.
Osylaısha, «Úzdik dzıýdoshy» nomınatsııasy boıynsha úzdik tehnıka úshin Tato Grıgalashvılı dzıýdo janashyry Beket Mahmutovtyń qurmetine arnalǵan júlde jáne 10 myń dollar syıaqymen marapattaldy.
«Úzdik ádis» nomınatsııasynda Qaırat Muqanovtyń qurmetine arnalǵan júlde Kote Kapanadzege buıyrsa, «Jeńiske degen yntasy úshin» nomınatsııasynda Qanat Baıshýlaqovtyń qurmetine arnalǵan júldemen Jansaı Smaǵulov, Olımpıada oıyndarynyń júldegeri, álem chempıony Eldos Smetovtyń júldesimen Kýbanychbek Aıbekýýly, álem chempıony Maksım Rakovtyń júldesimen Dastan Jumajanov marapattalyp, árqaısysyna 5 myń AQSh dollary syıaqysy taǵaıyndaldy.
Elimizde tuńǵysh ret ótkizilip otyrǵan jarystyń ashylý saltanatyna Qazaqstan dzıýdo federatsııasynyń prezıdenti Qýanyshbek Esekeev pen Halyqaralyq dzıýdo federatsııasy prezıdentiniń keńesshisi Almaz Álsenov qatysty.
Esterińizge sala ketsek, «Jenys Cup» týrnıriniń jalpy júlde qory 100 myń AQSh dollaryn quraıdy: 1-oryn – 30 myń dollar, 2-oryn – 20 myń dollar, 3-oryn – ár komandaǵa 10 myń dollardan.
